Алтанбулаг боомтоор дөрөвдүгээр сарын 18-нд Монгол Улсад орж ирсэн иргэнээс коронавирус илрээд байна. Түүний ойрын хавьтлын 24 хүнийг тогтоож, шинжилгээ хийхэд нэг хүнээс давтан шинжилгээгээр коронавирус илэрлээ. Энэ бол батлагдсан тохиолдлын ойрын хавьтал буюу кабинд нь сууж явсан гэр бүлийнх нь хүн. Тэрээр мөн жолооч мэргэжилтэй юм байна.  Эдгээр иргэдтэй ойр байсан 49 хүнийг олж тогтоон байгаа газруудад тусгаарлаад байна. Тухайлбал Сэлэнгэ Дархан-Уул, Улаанбаатар хот,  Замын Үүдэд  тусгаарлан хяналтанд аваад байна.  Эдгээр иргэд бүгд халдвар авсан жолоочийг орж ирэхэд нь шалгасан хянасан ачаа барааг нь хүлээж авсан албаны хүмүүс. Тэд бүгд халдвар хамгаалалтын хувцастай байсан гэдгийг ЭМЯ-наас тодотголоо