ЭМЯ-ны газрын дарга Я.Буянжаргал: 1-р  сарын 9-ний өдрөөс хойш манай улс нийт 5,155 хүнийг тусгаарлаад байна. Тусгаарлан ажиглалтад байгаа хүмүүс дотор тав хүртэлх насны 45 хүүхэд, жирэмсэн 35 эмэгтэй, даралт ихсэх өвчтэй 64 хүн, зүрх судасны эмгэгтэй 9, чихрийн шижинтэй 25, хорт хавдартай 17 иргэн байна.  Дээрх иргэдэд коронавирус илрүүлэх шинжилгээ хийхэд бүгд сөрөг гарсан.   Нийслэлийн хэмжээнд гэрийн тусгаарлалтад 1,069 иргэн байна. Өчигдрийн байдлаар 947 иргэн гэрийн тусгаарлалтаас гарсан. Мөн 383 иргэн тусгаарлалтаас хөдөө орон нутаг руу шилжиж, хөдөө орон нутгийн тусгаарлалтаас 270 иргэн ирж, гэрийн тусгаарлалтад орсон байна.