ХӨСҮТ-ийн ерөнхий захирал Д.Нямхүү: Өнөөдөр өглөө 05.00 цагт Интермед эмнэлгээс нэг сорьц яаралтай авчирч PCR шинжилгээ хийгдэж байна. Тухайн иргэн нь 69 настай амьсгал нь бачуурсан, халуунгүй, хоёр уушгиндаа хатгаатай биеийн байдал нь хүнд гэсэн шинж тэмдэгтэй тус эмнэлэгт эмчлүүлж байна Интермед эмнэлгийнхэн өөрсдөө түргэвчилсэн оношлуураар оношилж  үзэхэд шинжилгээний хариу эерэг гарсан байна. Тухайн өвчтөний хүүхэд нь 1-р сарын 27-ноос  2-р сарын 7 -ны хооронд  БНСУ зорчоод ирсэн байдаг.   Үүнээс хойш  өвчлөл илрэх нууц үе нэгэнт өнгөрсөн учраас  энэ удаагийн шинжилгээ нааштай гарна гэж үзэж байна. Гэхдээ 69 настай иргэнтэй хамт байсан иргэдийг тэнд нь тусгаарласан. Интермед эмнэлгийнхэнд заавар зөвөлгөө өгөөд явж байна.  ХӨСҮТ-д PCR шинжилгээг яг одоо хийж байна. Үдээс хойш шинжилгээний хариу гарна.