ЭМЯ-наас коронавирусийн нөхцөл байдлын талаар мэдээлэл хийлээ. Энэ үеэр УОК-ын шуурхай штабын дарга Б.Ууганбаяр ХСҮТ-д амиа алдсан талийгаач О-гийн талаар мэдээлэл өглөө. Тэрбээр "Талийгаач О-гийн оршуулгын ажилд 40 гаруй хүн оролцсон. Одоогийн байдлаар тус ажиллагаанд оролцсон зургаан хүн халдвартай гэдэг нь PCR  шинжилгээгээр батлагдаад байна. Оршуулгын ёслолд оролцсон иргэдийг олж тогтоон, тусгаарласан. Сэрэмжлүүлэг болгож хэлэхэд, та бүхэн буяны ажил зохион байгуулахдаа аль болон цөөн хүнтэй, халдвар хамгаалалын дэглэм сайтар барьж, сахих хэрэгтэй гэдгийг анхааруулж хэлмээр байна. Мөн оршуулгын ажилд оролцож байгаа иргэд хүн хоорондын зай барьж, амны хаалт зүүх хэрэгтэй. Олон хүн нэг дор цугларч байгаа нь эрсдэл бий болгож байна. Мөн нэг иргэн өөрийнхөө төрсөн өдөрт 20 гаруй хүн урьж, баяраа тэмдэглэсэн. Тус баярт оролцсон нэг хүнээс коронавирусийн халдвар илэрсэн. Иймд иргэд олон хүнийг нэг дор цуглуулахгүй байх нь зүйтэй" гэлээ.