Шинэ коронавирусийн халдварын дэгдэлтээс  урьдчилан сэргийлэх үүднээс бүх шатны сургууль, цэцэрлэгийг  хаах  зэргээр тодорхой ажлуудыг  хэрэгжүүлж байгаа нь үр дүнгээ өгч байгааг УОК мэдээгдсэн. Монгол улсад зөөвөрлөгдсөн 16 тохиолдол бүртгэгдэж үүнээс дөрөв нь эдгэрч, 12 нь ХӨСҮТ-д хэвтэн эмчлүүлж байна  Төр засгийн зүгээс энэ сарын 30-ныг дуустал хөл хориог сунгаад байна.  Гэвч цаг агаар дулаарч, иргэдийн хяналт суларч  мэргэжлийн байгууллагуудын зөвлөгөө, анхааруулгыг дагаж мөрдөхгүй маскаа зүүхгүй байгаа нь  холбогдох албаныханы санааг зовоож байна.  Тиймээс маргаашнаас эхлэн  /2020.04.13/ иргэдийн хөдөлгөөнд тодорхой хэмжээнд хязгаарлалт хийх асуудлыг ярилцаж байна гэдгийг  ОБЕГ-ын дарга Т.Бадрал олон нийтэд хийсэн мэдээллийнхээ үеэр мэдэгдсэн. Магадгүй аймаг, сум, хот хоорондын зорчигч тээврийн хөдөлгөөнийг дахин хязгаарлах тухай шийдвэр гарч болзошгүй. Түүнчлэн иргэдийн хөдөлгөөнд ч тодорхой зохицуулалтууд хийхийг үгүйсгэхгүй юм