Цаашид Ховд, Сүхбаатар, Орхон аймагт энэ чиглэлээр нэмэлт лаборатори ажиллуулах бэлтгэл ажил хангагдсан. Ингэж лабораторийн хүчин чадлаа нэмэгдүүлсэн нь бидний хувьд хяналт сайжирна гэсэн үг. Зарим хүн хүсэлтээрээ шинжилгээ өгье гэж байгааг зохицуулаарай гэдгийг Ерөнхий сайд хэлсэн. Лабораторийн шугам нэмэгдсэн учир зарим хүний хүсэлтийг үндэслэн коронавирус илрүүлэх шинжилгээ авах боломжтой боллоо. Монгол Улсын Ерөнхий сайд У.Хүрэлсүх хүлээн авч уулзаад, надад үүрэг чиглэл өгсөн. Энэ дагуу ХӨСҮТ-д нэмэлтээр нэг лабораторийн шугам нээгдлээ. Өөрөөр хэлбэл, ХӨСҮТ-д Өмнөд Солонгосын ЭСЯ, Хятадын ЭСЯ-аас өгсөн оношлуураар шинжилгээ хийх өрөө нэмэгдлээ. Өмнөд Солонгосын "Сэжүн" компани, ЭСЯ-наас 3,000, Хятад ЭСЯ-наас 5,000 оношлуур хандивласан. Ингээд оношлуурын тоо нэмэгдсэнтэй холбогдуулан үйлчилгээгээ өргөжүүлж байна.Улсын хэмжээнд /аймаг, дүүрэгт байгаа/ уушгины хатгаагаар өвдсөн хүмүүсээс шинжилгээ авч, хяналтын шинжилгээ хийж байна гэж  ХӨСҮТ-ийн захирал Д.Нямхүү онцоллоо.