ЗӨСҮТ-ын эмч Орлонжав  Хачгаар дамжин халдварладаг олон улсын 10-р ангилалд 28 өвчин бичигдсэн байдаг.  Монгол Улсад хачигт гурван төрлийн хачигт халдвар болох хачигт энцефалит, хачигт боррелиоз, хачигт риккетсиоз зэрэг халдваруудыг албан ёсоор оношлон бүртгэж, эхэлжээ.  Хачигт энцефалит нь ойн хачигаар дамжин халдварладаг вирусээр үүсгэгдэг төв мэдрэлийн системийг гэмтээдэг байна. Энэ талаараа илүү хүнд явагддаг судалгаанаас харахад 10-15 хувьд үлдэц үлддэг. Өөрөөр хэлбэл  унадаг татдаг мартамхай болдог.  Энэ хачигийн голомт нь Монгол оронд Сэлэнгэ Орхон Дархан Булган Хэнтий Хөвсгөл Архангай  гэсэн найман аймаг бүртгэгдсэн байдаг Энэ хачигт халдвараар идэр насын  эрэгтэйчүүд ой модонд явахдаа өвчилсөн байдаг. Ихэнхдээ 4-6 сард  хамгийн идэвхжилтэй үе байдаг ч одоогоор 2-р сараас эхлэн бүртгэгдээд байна. Цаашдаа 10-11 сар хүртэл гардаг.

Харин хачигт риккетсиоз өвчнийг дамжуулагч хачиг ихэнх нутгуудаар тархаж бэлчээрийн хачгаар дамжин халдварладаг.  Хачигт халдварын идэвхжлийн үе нь 4-6 дугаар сар байдаг.   Хачигт риккетсиозын хувьд 21 аймгаар тархалттай. Бэлчээрийн малчдын сайн мэдэхээр малын бор хачгаар тархдаг. Үүгээр өвчилсөн хүмүүсийн дотор малчид ноос ноолуурын ажил эрхэлдэг иргэд, 0-9 настай хүүхдүүд болон эмэгтэйчүүд их байдаг. Хачгаас урьдчилан сэргийлэхийн тулд хачигт хазуулахгүй байхыг анхаарах хэрэгтэй. 

Иимд

• Тод өнгөтэй хувцас, гар хөлөө ил гаргахгүй байх, аль болох битүү хувцас, түрийтэй гутал өмсөх
• Хачигтай бүсэд ажиллаж байгаа иргэд 2–3 цаг тутамд биеэ шалгаж байх
• Хэрэв хачигт хазуулсан бол хачигны амыг /хошуу/ арьсанд үлдээхгүйгээр салгаж авах
• Ойгоос ирээд гэртээ орохын өмнө биедээ үзлэг хийж наалдсан хачгийг авч устгах, хувцсаа тайлж сэгсрэх
• Вакцинд хамрагдах