ХӨСҮТ-өөс гурван хүн эдгэрч сувилалд шилжжээ

ЭМЯ-наас коронавирусийн нөхцөл байдлын талаар мэдээдэл өглөө. Энэ үеэр ХӨСҮТ-ийн Тандалт судалгааны албаны дарга А.Амбасэлмаа "ХӨСҮТ, ЗӨСҮТ, Дархан, Сэлэнгэ, Орхон аймагт нийт 20240 хүнд шинжилгээ хийлээ. Үүнээс Улаанбаатар хотод гурав, Сэлэнгэ аймагт дөрөв, Замын-Үүд суманд дөрөв хүнээс халдвар илэрлээ. Тодруулбал, халдвар илэрсэн хүмүүс батлагдсан тохиодлын ойрын хавьтлууд байгаа. Улаанбаатар хотод халдвар илэрсэн гурван хүний нэг нь "Автобус-1" баазын жолоочийн ээлж сольдог жолооч нь. Одоогийн байдлаар ХӨСҮТ, Цэргийн төв эмнэлэгт 465 хүн эмчлүүлж байна. Сэлэнгэ аймгийн нэгдсэн эмнэлэгт дөрвөн эмчлүүлж байгаа бөгөөд биеийн байдал хөнгөн байгаа. Мөн Цэргийн төв эмнэлэгт биеийн байдал нь маш хүнд хоёр хүн байна" гэлээ.