Дэлхийн нийтэд COVID-19 халдварын батлагдсан нийт тохиолдлын 30-40 хувь нь шинж тэмдэггүй хэлбэрээр явагдаж байна.  Эхэндээ шинж тэмдэггүй өвчтөнүүдийг өвчтөний ангилалд бүртгэхгүй байсан бол өчигдрөөс эхлэн шинж тэмдэггүй тохиолдлыг зарлаж эхэллээ.  БНХАУ гэхэд 1,541 ийм тохиолдлыг бүртгээд байна.  Шинж тэмдэггүй хүмүүс халдвар тараах эрсдэлтэй учир дэлхий дахинд амны хаалтны хэрэгцээ ихээр үүсэж байна. Тэр дундаа 0-15 насны хүүхдүүд шинж тэмдэггүй хэлбэрээр өвдөж, вирус тээгч болж буй учраас амны хаалтны хэрэгцээг сайжруулах талаар зөвлөмж өгч байна гэсэн мэдээллийг ЭМЯ-ны хэлтсийн дарга Д.Нарангэрэл өглөө.