ХӨСҮТ-ийн захирал Д.Нямхүү:   Тусгаарлагдан, хянагдаж байсан хоёр турк иргэнээс коронавирус илэрлээ.  Одоогоор  ойрын хавьтал болох 10 хүнийг тусгаарлан хяналт судалгаа шинжилгээ хийж байна. Халдвар илэрсэн хоёр иргэний хувьд  03-р сарын 28 нд  Солонгос улс өөрсдийн иргэдээ манай улсаас авахаар илгээсэн онгоцоор ирсэн Туркийн Элчин сайдын яамны ажилтны ар гэрийн хүмүүс. Тухайн хоёр иргэнийг  Туркийн Элчин сайдын яамны ажилтан болох ар гэртэй нь уулзуулаагүй, ирэнгүүт нь тусгаарлаж, гурав хоногийн дараа шинжилгээ авсан. Шинжилгээний хариу эерэг гарлаа.  Монгол улсын  дүрэм номын дагуу тусгаарлагдан эмчлэгдэж байна Токио-УБ онгоцоор ирж, ХӨСҮТ-д тусгаарлагдаж байсан 25 хүний давтан шинжилгээний хариу сөрөг гарлаа. Улсын хэмжээнд тандалтын шугамаар уушгины хатгалгаагаар өвчилсөн 23 хүмүүсээс түүврээр сорьц авч үзэхэд коронавирус илрээгүй.