ХӨСҮТ-ын захирал Д. Нямхүү: Бидэнд эмчлэгдэж буй хүмүүсээс эхний хоёр хүнийг эмнэлгээс гаргахаар боллоо. Сүүлийн гурав хоног таван зүйлийн сорьцонд шинжилгээ хийхэд вирус илрээгүй. Эмнэл зүйн шинж тэмдэг бүхэн арилсан учраас эмнэлгээс гаргаж байна.   Гэхдээ энэ хоёр хүн үргэлжлэн 14 хоног тусгаарлагдаж өөрийгөө хянана  2020 оны гуравдугаар сарын 29-нд анхны батлагдсан тохиолдлын хавьтал болох 59 хүнд гурав дахь удаагаа давтан шинжилгээ хийхэд коронавирус илрээгүй.

ЭМЯ-ны Эмнэлгийн тусламжийн газрын дарга Я. Буянжаргал:  COVID-19 халдварын эмчилгээний хугацаа хөнгөн өвчтөнд 14 хоног гэсэн дэлхий нийтийн жишиг бий. Харин хүнд өвчтөн бол 6-7 долоо хоног хүртэл үргэлжилж байгаа. Бид эмчилгээгээ ДЭМБ-аас батлан гаргасан зааврын дагуу хийж байгаа. Яг энэ тохиолдолд уламжлалт эмчилгээний эмийг хэрэглээгүй бөгөөд вирус, шинж тэмдгийн эсрэг эмчилгээ болон амьсгал, дархлаа дэмжих эмчилгээ хийлээ. Эмнэлэгээс гарч байгаа хоёр иргэнийг цаашид үргэлжлүүлэн 7, 14,21,28  хоногт нь судалгаа хийж хяналтандаа байлгана.