Гэр хорооллын өрхүүдийн нүхэн жорлон болон эзэмшлийн 0,7 га газруудад халдваргүйтгэл хийж байна.   Гэр хорооллын хог тээвэрлэлтийг сард хоёр удаа хийдэг ч  нийтийн байранд оршин суудаг иргэд хогоо ил задгай ихээр хаядаг.  Гэр хорооллийн  хог ачих давтамжийг нэмэгдүүлсэн тул  иргэд  хогоо ил задгай хаяхгүй, хуваарьт өдрүүддээ өгч  байхыг Улаанбаатар хотын Захирагчийн ажлын албанаас анхаарууллаа. “Монголын ариутгал, халдваргүйжүүлэлтийн төв” ТББ-ын нарийн бичиг  Н.Баасанжав  “Ариутгал халдваргүйжүүлэлт хийгдэж байгаа бодис нь хүний биед элдэв харшил өгөхгүй, ногоон байгууламжийг устгаж сүйтгэхгүй. Коронавирусийн халдвараас урьдчилан сэргийлэх хүрээнд ДЭМБ-аас зөвшөөрөгдсөн бодисыг ашиглаж байна.

НМХГ-ын Эрүүл мэнд, боловсрол, соёлын хэлтсийн дарга Д.Цэнд-Аюуш “Ариутгал халдваргүйжүүлэлт хийх тусгай зөвшөөрөлтэй 38 аж ахуйн нэгжийн халдваргүйжүүлэх бодисын чанар, үйлчлэх бодисын хэмжээ гэх зэрэг 79 бодисоос дээж авч лабораторид шинжилхэд чанарын шаардлага хангаж дүгнэлт гарсан. Мэргэжлийн хяналтын газраас ариутгал халдваргүйжүүлэлтийг хэрхэн хийх талаарх зөвлөмжийг гаргаж ажиллаж байна”  Хотын Захирагч С.Амарсайханы гаргасан  захирамжийн дагуу нийслэлийн хэмжээнд нийт 180.8 км урттай хатуу асфалтан зам, 9.2 сая метр квадрат нийтийн эзэмшлийн талбай, гэр хорооллын гудамжинд тусгай зөвшөөрөл бүхий 38 компанийн техник хэрэгсэл  ариутгал хийж байна.