ХӨСҮТ-ийн Тандалт судалгааны албаны дарга А.Амбасэлмаа:  Монгол улсад энэ шинэ коронавирусын халдварын 12 дахь тохиолдол бүртгэгдээд байна. Эдгээр иргэдийн халдвар илрэх шинж тэмдэг 2-16 хоногийн хугацаатай  байна. Илэрч байгаа гол шинж тэмдэг нь халуурдаг. Ихэнхдээ 37-38 хэмийн халуунтай Манайд ирсэн тохиолдлыг ажиглахад хамар битүүрэх, загатнах, толгой өвдөх бие сульдаж ядрах  хоолой өвдөх бие арзайх дотор муухайрах зэргээр илэрч байна. Гадагшаа явсан ирсэн хамт байсан иргэд  хаврын хавсарга салхинд толгой өвдөх хамар шархирах, харшил хөдлөлөө гэх зэргээр анзаарахгүй өнгөрөх эрсдэл бий. Мөн хөнгөн хэлбэрийн ханиад томууг гэрээрээ эмчилдэг, дур мэдэн эм уух байдалдаа анхаарах хэрэгтэй.  Бид тандалт судалгааны явцад өвчлөл авсан иргэнийг хөнгөн үед нь олоод авч байна. Хөнгөхөн эмнэл зүй илэрсэн үед иргэд хэлэхгүй өнгөрөх эрсдэлтэй.  Тиймээс давтан шинжилгээг хэнээс авах вэ? гэдгээ нарийн тооцоолж  хамруулж байгаа нь ч үр дүнгээ өгч байна  Ер нь ирсэн хүмүүсийг харахад хатгаа болж хүндрэх хэлбэрээр уушгийг барьдаг. Халдвар илэрсэн иргэдийн хувьд хоёр хүний бие хүндэвтэр байсан ч эмчилгээний явцад сайжирч байна. Нэг өвчтөн багадаа 1 сар эмчлэгдэнэ. Гурван удаагийн шинжилгээ нь  сөрөг гарснаар сая эмнэлгээс гарна гэж тооцоход 45 хоног шаардагдана. Тиймээс цаашид орны нөөцийг нэмэгдүүлэх,  эмнэлгүүдийн бэлэн байдалд анхаарах хэрэгтэй.