ХӨСҮТ-ийн ерөнхий захирал Д.Нямхүү: Истанбул-Улаанбаатарын онгоцоор ирсэн нэг иргэний давтан шинжилгээнээс коронавирус илэрлээ. Ингэснээр Монгол улсад энэ халдварын 12 дахь тохиолдол бүртгэгдлээ.  2020 оны 3-р сарын 26 нд ХӨСҮТ тусгаарлагдсан хоёр, Сэлэнгэ аймагт тусгаарлагдсан хоёр,  Дархан Уул аймагт тусгаарлагдсан хоёр гээд нийтдээ 6 иргэний шинжилгээний хариу сөрөг гарлаа  2020 оны 3-р сарын 27 нд  Сэлэнгэ аймагт тусгаарласан сэжигтэй 5 тохиолдолд шинжилгээ хийж байна. Одоогоор ХӨСҮТ-д  220 хяналтанд байна. Токио Улаанбаатарын онгоцоор ирсэн 100 хүний шинжилгээний хариу сөрөг гарлаа. Ингэснээр  дээрх чиглэлд ирсэн 206 хүн, тусгай үүргийн онгоцоор ирсэн бүх хүмүүсээс  шинжилгээ авч дууслаа. Цаашдаа ажиглалт, тусгаарлалтын үед эмч нар анхаарлаа сулруулахгүй. Иргэд ч гэсэн өөрийгөө хамгаалж, ажиглаж,  тусгаарлалтыг сунгасан 21 хоногт дэглэмийг маш сайн хийвэл бид халдварыг хумих, хянах боломжтой.