Гадаад харилцааны яамаар дамжуулж нийтдээ  дэлхийн  улс орнуудад суугаа 4805  Монгол иргэн эх орондоо ирэх хүсэлтээ ирүүлжээ.  Иимд Засгийн газраас нийтдээ 3 удаагийн тусгай  үүргийн нислэгээр иргэдээ татаж авах  шийдвэрийг гаргалаа гэж Улсын Онцгой комиссын орлогч дарга Бадрал мэдэгдлээ. Тухайлбал  4-р сарын 2 ны  өглөө 08,00 цагаас  УБ- Сөүлийн чиглэлд   4-р сарын 3 нд   шөнийн 01.30  УБ-Токио чиглэлд    4-р сарын 4 өглөө  08.30 цагаас  УБ- Сөүл гэсэн  маршрутаар иргэдээ татаж авна.  БНСУ-ын Сөүл хотоос гэхэд нийтдээ  2000 иргэн эх орондoo ирэх хүсэлтээ тавиад байна. Эдгээр иргэд хамгийн багадаа 21 хоног тусгаарлагдана. Тэднийг  тусгаарлах байрны төлбөр болон тухайн оршин суугаа  улсынхаа  эрүүл мэндийн байгууллагад шинжилгээ өгсөн тохиолдолд  хүлээн авна гэдгийг онцгойлон анхаарууллаа.  Өнөөдрийн байдлаар манай  улс нийтдээ 5 удаа нислэгээр  9000 орчим иргэнээ гадны орнуудаас  татаж аваад байна  Харин Австралын засгийн газраас манай улсад суугаа 6 иргэнээ өнөөдөр татаж авахаар болсон бол амралтын өдрүүдэд БНСУ-ын  зүгээс 200 орчим иргэнээ татаж авахаар болжээ.