Алтанбулагийн боомтоор орж ирээд Сэлэнгэ аймагт тусгаарлагдсан хоёр, Орхон аймагт тусгаарлагдсан нэг, нийт гурван хүний шинжилгээнээс коронавирус илрээгүй . Өнөөдрийн байдлаар ХӨСҮТ-д 186 хүн тандалт хяналтад байна. Тусгай үүргийн онгоцоор ирсэн хүмүүсээс шинжилгээ авах ажил үргэлжилж байна.  Истанбул-Улаанбаатарын онгоцоор ирсэн хүмүүсийн шинжилгээ хийгдэж байна 

ХӨСҮТ-ийн ерөнхий захирал Д.Нямхүү                                                                                                

Нийслэлийн зургаан дүүргийн эмнэлгүүдээс хоёр өдрийн өмнө  санамсаргүй түүврийн аргаар 28 хүнээс шинжилгээ авахад коронавирус илрээгүй.  Энэ нь уушгины хатгалгаатай хүмүүст коронавирус байгаа эсэхийг эрэн хайж, тандан хянаж байна. Мөн Монгол Улсад коронавирусийн халдвар байна уу гэдгийг баталгаажуулж байна гэсэн үг. ДЭМБ-аас гаргасан зөвлөмж буюу стандартын дагуу лабораторийн шинжилгээ хийхдээ цэр, хамар, залгиураас арчдас авч, цус буюу ийлдэс, өтгөн, шингэний гээд таван төрлийн шинжилгээ хийж байна.  Эмчилгээнд байгаа хүмүүсийн шинжилгээг өдөр болгон протокол хөтөлж, эмчилгээний үр дүнг харьцуулж, хянаж байна. Энэ нь эмчилгээ зохиж буй эсэхийг харьцуулан үзэх ач холбогдолтой.    Бүрэн эдгэрсэн хүнийг эмнэлгээс гаргахдаа гурван өдөр дараалан шинжилгээ хийж баталгаажуулж гаргадаг. Хэрэв дутуу эдгээгээд гарвал халдвар тараах эрсдэлтэй. Эмнэлэгт 14 хоног тусгаарлагдаад гарч буй хүн гэртээ 14 хоног тусгаарлагдана.  Эдгээр хүмүүс өөрийгөө битгий хуураарай.  Энэ системийг тагнуул, цагдаа, онцгой байдлын байгууллагатай хамтарч хянаж байна