ХӨСҮТ, ЗӨСҮТ, Дархан-Уул аймгийн вирус судлалын лабораторид өнөөдөр 803 сорьцод шинжилгээ хийжээ. Нэг хүний шинжилгээний сорьцод коронавирусийн халдвар илэрсэн талаар Эрүүл мэндийн яамнаас мэдээллээ. Монгол Улсад зөөвөрлөгдөн ирж, батлагдсан тохиолдол 315 боллоо.

Одоогоор 10 хүн коронавирусийн халдвар авч ХӨСҮТ-д хэвтэн эмчлүүлж байна. Найман хүний биеийн байдал хөнгөн, хоёр хүний биеийн байдал хүндэвтэр байгаа аж. ЭМЯ өмнө нь "Ковид-19" цар тахлын халдварын цаг үеийн асуудлаар өдөр бүр мэдээлэл хийдэг байсан. Одоо зөвхөн Даваа, Лхагва, Баасан гарагт 11.00 цагаас мэдээлэл хийнэ.