Архангай аймгийн Хайрхан суманд коронавирусийн халдвартай нэг иргэн хувийн тээврийн хэрэгслээр очжээ. Тодруулбал, өчигдөр буюу гуравдугаар сарын 14-ний өглөө Улаанбаатар хотоос тус аймгийн Хайрхан сум хооронд хувийн тээврийн хэрэгслээр зорчсон гурван иргэний нэг нь шинжилгээний хариугаа хүлээлгүй хотоос гарч, улмаар замд явахад нь халдвар авсан нь батлагджээ.

Иймд тус сумын онцгой комисс шуурхай хуралдаж, уг иргэнийг сумын төв рүү нэвтрүүлэхгүйгээр Улаанбаатар хот руу буцаасан байна. Тодруулбал, өнөө өглөө 07:00 цагт Хайрхан сумаас Улаанбаатар хот руу хөдөлжээ. Тус суманд Зооноз өвчин судлалын үндэсний төвийн Эцсийн халдваргүйтгэлийн баг болон эрүүл мэндийн газрын тархвар судлаачид ажиллаж байгаа талаар Архангай аймгийн онцгой комиссоос мэдээллээ.