Баяр наадмын өдрүүдээрх цаг агаарын нөхцөл байдлыг ЦУОШГ-аас өглөө.

         Энэ үеэр ЦУОШГ-ын ахлах мэргэжилтэн О.Оюунчимэг "Маргааш Алтай, Хангай, Хөвсгөл, Хэнтийн уулархаг нутгаар, 11-нд баруун аймгийн нутгийн хойд, төвийн аймгуудын ихэнх нутаг, говь болон зүүн аймгуудын нутгийн зарим газраар, 12-нд баруун болон говийн аймгуудын нутгийн зарим, төвийн аймгуудын ихэнх нутагт, зүүн аймгуудын нутгийн баруун хэсгээр, 13-нд Алтай, Хангай, Хэнтийн уулархаг нутаг, Хэрлэн, Онон, Угалз голын хөндийгөөр, 14-нд төвийн аймгуудын нутгийн баруун болон өмнөд хэсэг, говийн нутгийн зарим, зүүн аймгуудын нутгийн өмнөд хэсгээр дуу цахилгаантай аадар бороо орно. Борооны өмнө салхи түр зуур ширүүснэ. Агаарын хэм өнөө маргаашдаа ихэнх нутгаар халах боловч 11-нд нутгийн баруун хойд хэсгээр, 12-нд нутгийн хойд хэсгээр, 13-нд нутгийн зүүн хойд хэсгээр 3-8 хэм сэрүүсэх төлөвтэй байна. Баяр наадмын өдрүүдээр 11-нд Хөвсгөл, Архангай, 12-нд Хөвсгөл, Булган, Сэлэнгэ, Төв аймгийн нутгаар усархаг бороо орох нөхцөл бүрдэж байгаа тул мөндөр, нөөлөг салхи, аянга цахилгаан, болзошгүй үер усны аюулаас болгоомжтой байхыг ард иргэддээ онцгойлон анхааруулж байна" гэв.