Баяр наадам эхэлж байгаатай холбоотойгоор ОБЕГ, ЦУОШГ-аас хамтран мэдээлэл хийлээ.

       Энэ түеэр ОБЕГ-ын Урьдчилан сэргийлэх газрын хэлтсийн дарга, хурандаа Д.Бат-Эрдэнэ "Он гарсаар 40 хүний амь усны ослоор эрсэдсэн. Тухайлбал, 2019 онд 14, 2020 онд 17, 2021 онд 26, 2022 онд 20, 2023 онд найман хүн зөвхөн баяр наадмын өдрүүдээр усны ослоор амиа алдаж байсан байна. Тиймээс зүй зохистой баярлах хэрэгтэй. Гол мөрний гарамгүй газраар ус гатлах гэж оролдож, үер усны түвшин ихтэй байхад гол гатлах, малынхаа араас гол руу орох, усанд орж сэрүүцнэ, сэлнэ гэх байдлаар ус руу ороод амиа алдаж байна. Дараа нь хүүхдэд тавих хараа хяналт суларснаас болж усны осол их гарч байна. Малчид зуны улиралд гол руу ойртож буусан тохиолдол их байна. Ингээд их хэмжээний ус үер авсан үед амиа алдах тохиолдол гарч байна" гэв.