• Өнөөдөр 2025-04-19

Зөвшөөрөлгүй хашаа, хайс татсан зөрчилтэй есөн иргэн, хуулийн этгээдэд хариуцлага тооцжээ

2022-08-24,   573

    Байгаль орчин, аялал жуулчлалын яам сайд Б.Бат-Эрдэнэ Туул голын дагуу газар ашиглаж буй зөрчилтэй иргэн, аж ахуй нэгжүүдэд Хамгаалалтын захиргаад тодорхой арга хэмжээ авахыг энэ сарын 11-ний өдөр үүрэг болгосон.
 
Энэ хүрээнд Богдхан уулын хамгаалалтын захиргаа, Туул голын сав газрын захиргаа болон Засгийн газрын хэрэгжүүлэгч агентлаг Усны газар хамтарсан ажлын хэсэг хугацаат үүрэг даалгаврын биелэлт, хэрэгжилтэд хяналт тавин газар дээр нь ажиллаж байна.
 
     Туулын голын энгийн болон онцгой хамгаалалтын бүсэд хамаарч буй газар ашиглах эрхийг хэсэгчилсэн байдлаар иргэн Б.Батбаяр, "Эй Эй Энд Эм" ХХК, "Ривер бийч" ХХК дээр хэсэгчилсэн байдлаар газар ашиглах эрхийг цуцлах саналыг хүргүүлжээ.
 
    Мөн усны энгийн болон онцгой бүсэд зөвшөөрөлгүй хашаа хайс татсан, газрын зөрчилтэй, орчны тохижилт муутай болон хогийн асуудалтай есөн иргэн хуулийн этгээдэд хариуцлага тооцож арга хэмжээг авсан байна. Түүнчлэн Богдхан уулын эргэн тойронд үйл ажиллагаа явуулж буй 40 гаруй амралт, аялал жуулчлалын зориулалт бүхий иргэн, хуулийн этгээдэд орчны тохижилт сайжруулах, эко ариун цэврийн байгууламжтай байх, ногоон байгууламж бүхий талбайг нэмэгдүүлэх чиглэлээр хугацаат үүрэг даалгаврыг хүргүүлсэн гэж БОАЖЯ-наас мэдээллээ.

Зөвшөөрөлгүй хашаа, хайс татсан зөрчилтэй есөн иргэн, хуулийн этгээдэд хариуцлага тооцжээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.