Өвөрхангай, Говь-Алтай, Дорноговь болон нийслэлийн Сонгинохайрхан дүүрэгт гал түймрийн осол гарчээ. Тодруулбал, Өвөрхангай аймгийн Арвайхээр суманд хүнсний үйлдвэрийн халуун ус, саунд гал гарч, тус аймгийн Онцгой байдлын газрын Гал түймэр унтраах аврах ангийн албан хаагчид унтраасан байна. Дорноговь аймгийн Замын-Үүд суманд байрны зогсоолд автомашин шатаж, тус аймгийн Онцгой байдлын газрын Гал түймэр унтраах аварх анги унтраажээ.

Мөн Говь-Алтай аймгийн Есөнбулаг сумын Жаргалант багийн нутагт хашаа шатсныг мөн тус аймгийн Онцгой байдлын газрынхан унтраасан байна. Харин Нийслэлийн Сонгинохайрхан дүүргийн 34 дүгээр хороонд байшин шатаж, тус дүүргийн Онцгой байдлын хэлтсийн Гал түймэр унтраах аврах ангийн албан хаагчид унтраажээ.