Аравдугаар сарын цаг агаарын ерөнхий төлөвийн талаар ус цаг уур орчны шинжилгээний хүрээлэнгээс тодрууллаа. Энэ сард ихэнхи нутгаар сарын эхэн үед дулаарах төлөвтэй байгаа бол сарын дунд хэсгээс сүүл хэсэг хүртэл сэрүүсч зарим нутагт цас орж хүйтрэх төлөвтэй байна.

            Энэ сард баруун аймгуудын нутгаар агаарын температур олон жилийн дунджаас дулаан байх бөгөөд Завхан аймгийн ихэнх нутаг, Баянхонгорын аймгийн хойд хэсгээр дулаарах төлөвтэй байна. Мөн Ховд, Говь-Алтай, Баянхонгорын өмнөд хэсгээр хур тунадас олон жилийн дунджаас ахиу орно.

Баруун аймгуудын хувьд нэгдүгээр арав хоногийн дунд, хоёрдугаар арав хоногийн эхэн, гуравдугаар арав хоногийн дундаас сүүлч хүртэл агаарын температур өмнөх үеэсээ 3–5°С–аар сэрүүсч хүйтрэх бол хоёрдугаар арав хоногийн дундаас  гуравдугаар арав хоногийн дунд үе хүртэл ихэнх нутгаар бага зэрэг дулаарах төлөвтэй байна. Нэгдүгээр арав хоногийн дунд, хоёрдугаар арав хоногийн эхэн болон гуравдугаар арав хоногийн дунд үеэр ихэнх нутгаар цас орно. Энэ үеэр салхи зарим газраар 12–14 м/с, зарим үед 16-18 м/с хүрч ширүүсч болзошгүй байна. Төвийн аймгуудын баруун хэсгээр  олон жилийн дунджаас дулаан байх бол хур тунадас олон жилийн дундаж орчим байна. Нэгдүгээр арав хоногийн дунд, хоёрдугаар арав хоногийн эхэн, гуравдугаар арав хоногийн дунд үеэр агаарын температур өмнөх үеэсээ 4–6°С–аар сэрүүснэ. Харин нэгдүгээр арав хоногийн сүүлч, гуравдугаар арав хоногийн дунд үеэр ихэнх нутгаар бага зэрэг дулаарна. Нэгдүгээр арав хоногийн дунд үе,  хоёрдугаар арав хоногийн эхэн болон гуравдугаар арав хоногийн дунд үеэр ихэнх нутгаар цас орно. Энэ үеэр салхи зарим газраар 12–14 м/с, зарим үед 14-16 м/с хүрч ширүүсч болзошгүй.

            Зүүн аймгуудын нутгаар. Энэ сард агаарын дундаж температур болон хур тунадас нийт нутгаар олон жилийн дундаж орчим байна. Харин нэгдүгээр арав хоногийн сүүлч, хоёрдугаар арав хоногийн дунд үе болон гуравдугаар арав хоногийн сүүлчээр агаарын температур өмнөх үеэсээ 3–5°С–аар сэрүүснэ. Харин хоёрдугаар арав хоногийн сүүлч болон гуравдугаар арав хоногийн дунд үеэр ихэнх нутгаар дулаарна.  Нэг болон хоёрдугаар арав хоногийн дунд үе, гуравдугаар арав хоногийн дунд-сүүлчээр ихэнх нутгаар цас орно. Энэ үеэр салхи ширүүсч, зарим газраар 12-14 м/с, зарим үед түр зуур 16–18 м/с хүрч ширүүсч болзошгүй.

Говийн аймгуудын нутгаар. Энэ сард агаарын дундаж температур нийт нутгаар ОЖД–ын орчим , хур тунадас Өмнөговийн ихэнх, Дорноговийн өмнөд хэсгээр ОЖД–аас ахиу, бусад нутгаар дунджийн орчим байна.

М.Жавхлан