• Өнөөдөр 2024-03-28

Галт тэрэгний үйлчлэгч Л.Мөнхболор: Ажлаа хийж яваад хоёр дахь хүүхдээ эх барьж авлаа

2020-10-13,   17668

-Төмөр замын байгууллагад 27 жил тасралтгүй ажилласан намайг галт тэргэнд төрсөн хүү “Онц хөдөлгөөнчин” болголоо-

Галт тэргэнд хүүхэд мэндлэх тохиолдол манай улсад хэд хэдэн удаа гарч байлаа. Хамгийн сүүлийн жишээ гэхэд л өнгөрсөн есдүгээр сард Улаанбаатар төмөр замын Дархан-Сэлэнгийн чиглэлийн галт тэргэнд нэгэн эх эсэн мэнд амаржжээ. Эх, хүүхэд хоёрыг эсэн мэнд төрүүлсэн галт тэрэгний үйлчлэгч Л.Мөнхболортой ярилцлаа.

-Танд баяр хүргэе. Эх, хүү хоёрыг эсэн мэнд төрүүлжээ. Тухайн үед юу болсон талаар тодруулахгүй юу? 

-Баярлалаа. Тухайн үед манай Дархан-Сэлэнгийн галт тэрэг 12:00 цагийн үед Сэлэнгэ аймгийн Мандал сумаас Улаанбаатар чиглэлд хөдөлсөн юм. Амаржсан эмэгтэй маань төрөх гээд Улаанбаатар хот руу явж байсан юм билээ. Сумын эмч, ээжийн хамт явж байсан. Би тэр үед ээлжтэй, үүрэг гүйцэтгэж байсан болохоор зорчигчдоо хянаад, галт тэрэг дотуур алхаж явсан юм. Гэтэл өнөөх эмэгтэй өвдсөн янзтай сууж байсан. Сумын эмч  даралтыг нь үзээд сууж байхаар нь “Та хоёр яасан бэ. Өвдөөд байна уу” гэсэн чинь “Өвдөлт өгөөд байна” гэж хариулсан.

Тэгэхээр нь би нөгөө үйлчлэгчээ дуудаад “Өвдөлт өгөөд байгаа бол түргэн дуудъя” гэж хэлсэн. Тэгээд галт тэрэгний даргад хэлэхээр 10 минут хэрээтэй яваад, буцаад ирсэн чинь төрөхийн өвдөлт нь бүр нэмэгдчихсэн байлаа. Тэгэхээр нь зорчигчдоос тусгаарлаад, амралтын өрөөнд авчирсан юм. Тэгээд эмч нь дотуур үзлэг хийсэн чинь л юу юугүй төрөх болоод, савны амсар нээгдсэн байв. Эх барих эмчтэй явсан болохоор бид огтхон ч сандраагүй. Хэдийгээр эмч эх барьж байгаа ч бид хоёр хажууд нь гардаж, хамт байсан. 

-Хүү төрсөн гэсэн үү. Хүүгийн биеийн байдал хэвийн байсан уу?  

-Бид амралтын өрөөнд бүх хэрэгтэй зүйлийг нь цуглуулж ирэхэд 15:30 цаг болж байсан. Харин хүүхэд 15:50 цагт төрсөн. Ээжийгээ зовоохгүйгээр төрөөд л шууд дуу хадаан уйлсан. 2700 грамм 41 см хүү төрсөн. Амаржсан эмэгтэйгийн хоёр дахь төрөлт байсан болохоор хурдан төрсөн байх. Мөн Зүүнхараадаа төрөх байсан ч “Ус нь шүүрсэн, хүндрэлтэй төрнө” гэсэн заалтаар Улаанбаатар хот руу явж байсан юм билээ. Өмнө нь хүүхэд төрөхийг харж байсан болохоор айдас бага байлаа. Гэхдээ эмнэлгийн бус орчинд хүндрэлтэй төрөлт гээд Улаанбаатар хот руу явж байсан хүн болохоор “Эсэн мэнд хоёр яс салаасай” гэсэн түгшүүртэй л байсан. Гэхдээ эмчдээ их найдсан. Манай хоёр галт тэрэгнээс буугаад ЭХЭМҮТ рүү явсан. Бид маргааш нь буугаад хүүг эргэж очсон. Хүүгийн эмээ “Нэр хайрлах уу. Ямар нэр байвал зүгээр вэ” гээд асуухаар нь “Хүүхдийн нэрийг аав, ээж нь өгсөн нь дээр. Харин галт тэргэнд төрсөн хүүхдэд Ган орсон нэр өгдөг. Энэ нэрийг оролцуулаад өгвөл гоё байна” гэсэн чинь Гантулга гэж нэр хайрласан байна лээ. 

-Та төмөр замд хэдэн жил ажиллаж байна вэ? 

-Би Улаанбаатар хотод төрж өссөн. Манай эгч Төмөр замд ажилладаг байсан юм. Сурагч байхдаа эгчийгээ дагаж ажилд нь очсоор байгаад энэ мэргэжлийг сонгосон. Одоо энэ салбартаа 27 дахь жилдээ ажиллаж байна. Харин өчигдөр Төмөр замын байгууллагад 27 жил тасралтгүй ажилласан намайг, хамт гарсан үйлчлэгчийг галт тэргэнд төрсөн хүү минь “Онц хөдөлгөөнчин” болголоо. Тийм амархан олдоод байдаггүй хүндтэй шагнал хүртсэндээ баяртай байгаа. Хүн болгон л миний дүрэмт хувцсанд дуртай байдаг болохоор хариуцлагатай алба шүү дээ. Уг нь тэр аяллаар бид явахгүй байсан юм. Өмнө нь дөрвөн өдөр дараалан өөрсдийн ээлжийн аялалд үйлчилчихсэн байлаа. Харин хүн хүч муутай байсан болохоор тухайн өдрийн суудалд үйлчлэхээс өөр сонголт байгаагүй. Гэтэл ийм үйл явдал болсон нь азтай хувь тохиол. Би аяллаас ирээд л хоолоо идчихээд унтаад өгдөг юм. Гэтэл тэр өдөр нойр хүрэхгүй, цаанаасаа л хөл газар хүрэхгүй баярлаад байсан. Эсэн мэнд төрсөн хүүхдийг хараад л зургаан өдрийн ядралтыг ор тас мартсан даа.

-Та 27 жил ажиллах хугацаандаа өмнө нь галт тэргэнд хүүхэд эх барьж авч байв уу? 

-2003 онд анхны хүүхдээ эх барьж авч байсан. Ажлаа хийж яваад хоёр дахь хүүхдээ гар бие оролцож, эх барьж авсан нь энэ. Өдийгөөс 17 жилийн өмнө Улаанбаатар-Эрдэнэт чиглэлд явж байсан эмэгтэй гэнэт өвдөж, төрсөн. Юу юугүй л хүүхдийн толгой цухуйгаад гараад ирлээ. Тэр үед галт тэрэгний дарга зорчигдоос “Эмч байна уу” гээд шууд асуучихдаг байсан юм. Тэгсэн харин Эрдэнэтийн хоёр эмч семинарт оролцоод нутаг буцаж байгаа таарсан. Хүүхдийн толгой цухуйгаад байж байтал нөгөө хоёр эмч ирээд, хүүхдийг эсэн мэнд төрүүлсэн. Тухайн үед залуу байсан учраас нөгөө хүүхдийнхээ аав, ээжийн утас, гэрийн хаягийг авалгүй Эрдэнэтэд буулгаж өгөөд явуулсан. 


Галт тэрэгний үйлчлэгч Л.Мөнхболор: Ажлаа хийж яваад хоёр дахь хүүхдээ эх барьж авлаа
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 17
  • Сэтгэгдэл үлдээсэн: 2020-10-16 20:21:15
    Цог: Монгол эх хүү хоёрыг эсэн мэнд төрүүлсэнд бахархаж байна. Мөн төр засгаас ажил хөдөлмөрөө үнэлүүлсэнд баяр хүргээд эрүүл энх сайн сайхан бүхнийг хүсэн ерөөе
  • Сэтгэгдэл үлдээсэн: 2020-10-15 00:43:04
    Bilgee: Munhbolortoo bayar hurgie mundag bna
  • Сэтгэгдэл үлдээсэн: 2020-10-14 21:27:20
    Хөрш : Баяр хүргэе.
  • Сэтгэгдэл үлдээсэн: 2020-10-14 14:53:55
    shinetsetseg: Sain bauina
  • Сэтгэгдэл үлдээсэн: 2020-10-14 14:53:00
    shinetsetseg: Sain bauina
  • Сэтгэгдэл үлдээсэн: 2020-10-14 13:48:29
    Шагнал хүртсэнд баяр хүргье: ҮНЭХЭЭР ХҮНДТЭЙ САЙХАН ШАГНАЛ ХҮРТЭЖ ЭЭ ЦААШДАА ТЭРГҮҮНИЙ ТӨМӨР ЗАМЧИН БОЛООРОЙ АМЖИЛТ ХҮСЬЕ
  • Сэтгэгдэл үлдээсэн: 2020-10-14 07:44:02
    зочин: Биe дааж эх барьсан юм байх гэсэн чинь эмч нь эх барьж авсан л юм байна ш дээ. Хөөрхийдөө муу эмч нар нэр гэж байхгүй...
  • Сэтгэгдэл үлдээсэн: 2020-10-13 22:28:07
    Эрдэнэгэрэл: Ямар мундаг эгч вэ ажлын амжилт хүсье эрүүл энхийг хүсье амжилт
  • Сэтгэгдэл үлдээсэн: 2020-10-13 22:13:29
    Bat Orgil: ajliin undur amjilt az jargaliin deediin deediig bvh hamt olnd ni hvrgii mundag emgtee ymaa dahin dahin amjilt
  • Сэтгэгдэл үлдээсэн: 2020-10-13 21:14:18
    Purevseren: Duudee bayar hurgie mundag shuu Mon shagnal a sand ni bayar hurgie az jargal husie
  • Сэтгэгдэл үлдээсэн: 2020-10-13 19:28:26
    Zochin: UBTZ 27 jil tasraltgui ajillasan hunee shagnahgui yu hiij baisan yum be? Hen neg dargiin ariin haalganii esvel doli durakuud ajild orood udaagui baij onts hudulguun chini baitugai l shagnal avchihsan ongirood yavj baidag sh dee
  • Сэтгэгдэл үлдээсэн: 2020-10-13 19:16:36
    Sandag Budmaa: Bayar hurgey..Minii naiziin duu Namjildulam hamt ajilladag eh barisan emegtei ta buhendee Hamgiin unetei hun erdene ulgiiduj eej huu hoyriig esen mend turuulsend n bas saihan shagnaliin ezed bolsond n haluun bayar hurgey..
  • Сэтгэгдэл үлдээсэн: 2020-10-13 17:01:14
    туяа: баяр хүргэе сайхан энерэгтэй баярт үйл явдалийн тухай уншаад өөрийн эрхгүй хоолой зангирч блаа . ээж хүү 2т онц хөдөлгөөнчин болсон бүсгүй гээд бүгдэд нь баяр хүргэе . ажлиын өндөр амжилт
  • Сэтгэгдэл үлдээсэн: 2020-10-13 17:01:09
    Gundegmaa: ТА ХОЁР МАШ САЙХАН ҮЙЛС БҮТЭЭСЭНД ХАЛУУН БАЯР ХҮРГЭЖ ЭРҮҮЛ ЭНХ. АЗ ЖАРГАЛ. АМАР АМГАЛАНГ БЭЛГЭЛЬЕ НАМЖИЛДУЛАМЫН ААВ З.ДАРЬСҮРЭН ТӨМӨР ЗАМЫН ХИЙДИЙН ТЭРГҮҮН. ААВЫН НЬ ААВ ЭЭЖ ДҮҮ БОЛОН ҮЕЭЛҮҮД НЬ ХҮНИЙ ИХ ИХ ЭМЧ НАР .ХҮМҮҮН ТӨРӨЛХТНИЙ САЙН САЙХАН. ЭРҮҮЛ ЭНХИЙН МАНААНД ЗОГСОЖ БАЙСАН. ОДОО Ч БАЙГАА. Д.НАМЖИЛДУЛАМ ТЭДНИЙ АДИЛ ЭРҮҮЛ ЭНХИЙН МАНААЧ..ОНЦ ХӨДӨЛГӨӨНЧИН БОЛСОНД МАШ ИХ БАХАРХАЖ БАЙНА. ТА ХОЁРТОО АЗ ЖАРГАЛ САЙН САЙХНЫГ БЭЛГЭЛЬЕ
  • Сэтгэгдэл үлдээсэн: 2020-10-13 16:25:43
    Tuul: Bayar hurgie Yamar saihan yum be Davhar bayar hurgie onts hudulguunchin bolsond
  • Сэтгэгдэл үлдээсэн: 2020-10-13 13:47:08
    зочин: САЙХАН БҮСГҮЙЧҮДДЭЭ АЛДАРЫН ДЭЭД АЛДАРТАН ГАВЬЯАТ ҮЙЛЧЛЭГЧИД БОЛОХЫГ ХҮСЬЕ..ПРОВОДНИКА ГЭЖ БАГААСАА НЭРЛЭЖ ЗАНШСАН БОЛОХООР ҮЙЛЧЛЭГЧ ГЭХЭЭР АМАНД ЭВЛЭХГҮЙ Л БАЙНА.
  • Сэтгэгдэл үлдээсэн: 2020-10-13 13:46:34
    зочин: САЙХАН БҮСГҮЙЧҮДДЭЭ АЛДАРЫН ДЭЭД АЛДАРТАН ГАВЬЯАТ ҮЙЛЧЛЭГЧИД БОЛОХЫГ ХҮСЬЕ..ПРОВОДНИКА ГЭЖ БАГААСАА НЭРЛЭЖ ЗАНШСАН БОЛОХООР ҮЙЛЧЛЭГЧ ГЭХЭЭР АМАНД ЭВЛЭХГҮЙ Л БАЙНА.
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188