“Аав зарна” гэх зарыг олон нийтийн сүлжээнд байршуулж багагүй шүүмжлэл дагуулаад байсан уран бүтээлчдийн “Гайхамшигт ертөнц” киноны нээлт энэ сарын 17-нд болох байсан. Тэгвэл тэд киноныхоо нээлтийг тодорхойгүй хугацаагаар хойшлуулжээ.

Энэ талаар тус киноны уран бүтээлчдийн төлөөлөл Г.Алтандуулгатай холбогдож тодруулахад “Манайх киноны нээлтээ хойшлуулсан. Кино театруудын танхимын дүүргэлт 30 хувь байх ёстой гэх журам гарсан учир нээлтээ хойш нь татсан. Одоогоор хэзээ нээлтээ хийх талаарх тодорхой тов гараагүй байна. Цар тахлын нөхцөл байдлыг харъя гэж бодож байгаа. Цаг сайхан болохоор “Гайхамшигт ертөнц” киноныхоо нээлтийг хийнэ” гэлээ. Харин тус киног дэлгэцнээ гаргах эсэх талаар “Соёлын яамнаас манай киног гаргуулахгүй гээгүй” хэмээн ярилаа.