-Бичлэгт гарсан эмэгтэйг иргэн Э болохыг урьдчилсан байдлаар тогтоосон-

Багануур дүүрэгт нэгэн эмэгтэйг хүчирхийлж, зүй бусаар харьцаж буй дүрс бичлэг цацагдсан. Энэ хэргийн талаар цагдаагийн байгууллагаас мэдээлэл өглөө.

Олон нийтийн сүлжээнд анх уг дүрс бичлэгийг нийтэлсэн иргэн Багануур дүүрэгт оршин суух хаягтай. Иймд энэ хэргийг Багануур дүүргийн цагдаагийн байгууллага хариуцан, холбогдох хяналт шалгалтын ажлыг хийж байна.

ЦЕГ-ын Хэвлэл мэдээллийн төвийн дарга, цагдаагийн дэд хурандаа Б.Баатархүү “Энэ мэдээллийн дагуу цагдаагийн байгууллага шуурхай ажиллаж, олон нийтийн сүлжээнд уг дүрс бичлэгийг анх нийтэлсэн иргэн Багануур дүүрэгт оршин суух хаягтай болохыг тогтоосон. Иймд энэ хэргийг тус дүүргийн цагдаагийн байгууллага хариуцан, холбогдох хяналт шалгалтын ажлыг хийж байна.

Бидэнд байгаа мэдээллээр бичлэгт гарч буй эмэгтэйг иргэн Э болохыг урьдчилсан байдлаар тогтоогоод байна. Үүнд холбогдох шалгалтууд хийгдэж байна” гэв.