Өмнөговь аймгийн Цогтцэций сум буюу Тавантолгой-Гашуунсухайт боомт чиглэлд явдаг нүүрс тээврийн жолоочдийг өнөөдрөөс вакцинжуулалтад хамруулж эхэллээ.

Тус чиглэлд уртын болон богины тээвэрлэлтэд өнөөдрийн байдлаар нийт 12 мянга гаруй жолооч явж байна. Тэднийг шат дараалалтайгаар дархлаажуулалтад хамруулах бөгөөд Хятад Улсад үйлдвэрлэсэн Синофарм үйлдвэрийн Вероселл вакцин тарих юм байна. Түүнчлэн өнөөдөр дөрвөн цэгт нийт 500 гаруй хүнд коронавирусийн эсрэг вакцин хийхээр төлөвлөөд байгаа.

Монголын тээвэрчдийн эрх ашгийг хамгаалах нийгэмлэгээс Цагаанхад дахь нүүрс тээврийн жолооч нарыг нэн даруй вакцинжуулалтад хамруулахыг шаардсан албан шаардлага хүсэлтийг холбогдох салбарын сайдуудад хүргүүлсэн билээ.