Баруун аймгуудад болсон байгалийн гамшигт үзэгдлийн улмаас Говь-Алтай аймгийн Шарга, Төгрөг, Бугат зэрэг сумдад салхины хурд 34 м/сек хүрч хүчтэй цасан болон шороон шуурга шуурсан. Үүний улмаас Дарви, Шарга 35 кВ- ЦДАШ-ын гурван ширхэг төмөр бетонон тулгуур хугарч, аваарийн нөхцөл байдал үүсэн. Улмаар “Баруун бүсийн эрчим хүчний систем” ТӨХК-иас тэжээгддэг Шарга, Төгрөг, Бугат зэрэг сумдын цахилгаан эрчим хүч тасалдсан. Иймд “Ултай Улиастайн эрчим хүчний систем” ТӨХК-ийн цахилгаан шугам сүлжээний засварын бригад гуравдугаар сарын 15-ны өдрөөс дээрх гэмтлийг засварлахаар шуурхай ажиллаж, унасан тулгуурыг сольж хэвийн байдалд орууллаа. Ингэснээр Шарга, Төгрөг, Бугат зэрэг сумдыг өчигдөр 00:30 цагт хүчдэлд холбон, хэвийн горимд шилжүүлж, хэрэглэгчдийг цахилгаан эрчим хүчээр бүрэн хангалаа.