Улсын хэмжээнд 540 мянган мал хорогджээ

Том малын зүй бус хорогдол 2021 оны эхний хоёр сард улсын хэмжээнд 540.4 мянга болж, өмнөх оны мөн үеэс 366.4 мянгаар нэмэгдсэн байна. Харин 2021 оны хоёрдугаар сард 243.9 мянган толгой мал хорогдсон нь эхний хоёр сард хорогдсон малын 45.1 хувийг эзэлж байна.

Том малын зүй бус хорогдлыг төрлөөр нь авч үзвэл:

-Ямаа 298.6 мянга

-Хонь 159.6 мянга

-Үхэр 52.9 мянга

-Адуу 26 мянга

-Тэмээ 3.3 мянган толгой хорогдсон байна. Нийт хорогдсон малын 55.3 хувийг ямаа, 29.5 хувийг хонь эзэлж байна.

Улсын хэмжээнд 2020 оны эцэст тоологдсон 29.7 сая эх малын 122.6 мянга нь энэ оны эхний хоёр сард хорогдсон байна. Архангай, Өвөрхангай, Говь-Алтай, Баянхонгор аймгуудад хээлтэгч мал 7.1-75.2 мянган толгойгоор хорогдсон нь нийт хорогдсон хээлтэгчийн 79.8 хувийг эзэлж байна. Харин хээлтүүлэгч малын хорогдол 7.7 мянга болж, ухна 4.7, хуц 2000, бух 0.7 мянга, азарга 0.3 мянга, ат 10 толгойгоор тус тус хорогдсон байна.