Говь-Алтай аймгийн Эрдэнэ сумын төвд хүүхдийн цэцэрлэгийн хашаанд архидан согтуурсан этгээдүүд хоорондоо маргалдаж, улмаар хоёр хүний амь хохирсон ноцтой хэрэг гаржээ.

   Тодруулбал, энэ сарын 07-ны шөнө 18-20 насны гурван залуу тус сумын цэцэрлэгийн хашаанд архи согтууруулах ундаа хэрэглэж байх явцдаа хоорондоо маргалдсан байна. Улмаар энэ үеэр 20 настай М гэгч нь 18 настай Г, 19 настай М нарын амийг хохироожээ.

   Хэрэг гарах үед оролцсон болон амь үрэгдсэн залуус тус сумын харьяат иргэд байсан бөгөөд хэргийг үйлдсэн гэх 20 настай сэжигтэн этгээдийг хууль хяналтын байгууллагыхан саатуулжээ.

   Одоогоор уг хэргийг Говь-Алтай аймгийн Цагдаагийн газарт үргэлжлүүлэн шалгаж, мөрдөн шалгах ажиллагаа явуулж байгаа аж.