Улсын хэмжээнд он гарснаас хойш эхний найман сарын байдлаар буюу нэгдүгээр сарын 1-нээс наймдугаар сарын 31-ний өдрүүдэд нийт 3,545 удаагийн гамшиг, аюулт үзэгдэл, ослын дуудлага, мэдээлэл бүртгэгджээ. Төв, орон нутгийн Онцгой байдлын байгууллагын алба хаагчид дуудлагын дагуу шуурхай үүрэг гүйцэтгэж, 3,963 хүний амь нас, 1 их наяд 54.6 тэрбум төгрөгийн өмч хөрөнгийг авран хамгаалсан байна.

Бүртгэгдсэн нийт дуудлага, ослыг төрлөөр нь ангилбал:

• Гал түймэр: 2,734

• Хүний үйл ажиллагаатай холбоотой осол: 577 (зам тээврийн осол, усны болон уулын осол, төөрсөн, сураггүй болсон, өндрөөс унах гэх мэт)

• Ус цаг уурын гаралтай аюулт үзэгдэл: 100

• Биологийн гаралтай аюулт үзэгдэл: 99

• Геологийн гаралтай аюулт үзэгдэл: 35 тус тус бүртгэгджээ.