Улс төрийн хилс хэрэгт хэлмэгдэгсдийн дурсгалыг хүндэтгэх өдөр өнөөдөр /2026.09.10/ тохиож байна.

   Энэ өдөр Монгол Улсын Ерөнхий сайд Н.Учрал, УИХ-ын гишүүд, хэлмэгдэгсдийн үр хүүхэд, төрөл төрөгсдийн хамт хэлмэгдэгсдийн хөшөөнд цэцэг өргөж, дурсгалыг нь хүндэтгэн хүндэтгэл үзүүлжээ.

   Энэ үеэр Ерөнхий сайд Н.Учрал сэтгүүлчдийн асуултад хариулахдаа, “Улс төрийн хилс хэрэгт хэлмэгдэгсдийг цагаатгах, тэдэнд нөхөх олговор олгох тухай хуулийн нэмэлт, өөрчлөлтийг УИХ хэлэлцэн баталсны дараа Засгийн газар төсөв, хөрөнгийг нь шийдвэрлэхэд онцгой анхаарна” гэв. УИХ 1996 онд 33 дугаар тогтоол баталж, жил бүрийн есдүгээр сарын 10-ны өдрийг “Улс төрийн хилс хэрэгт хэлмэгдэгсдийн дурсгалыг хүндэтгэх өдөр” болгон тэмдэглэн өнгөрүүлэхээр тогтсон.

   Монголын төрөөс улс төрийн хилс хэрэгт хэлмэгдэгсдээс уучлал хүсэж, тэдний дурсгалыг хүндэтгэн мөнхжүүлэх, цаашид түүхэн сургамжийг мартахгүй байх зорилгоор энэ өдрийг жил бүр тэмдэглэн өнгөрүүлдэг байна.