Орон нутагт хаваржилт хүндэрч, цасан шуурганы улмаас мал муудаж, ихээр хорогдож байгаа. Тэгвэл энэ хэцүү цаг үед өвс, тэжээл хомсдож, үнэ өсдөг. Өчигдрийн байдлаар ХХААХҮЯ-ны харьяа “Малчин лавлах-109” мэдээллийн төвийн мэдээллээр “22-ын товчоо”, “Таван шар” орчимд өвс 15-18 мянган төгрөг, ногоон тэжээл 14-18 мянган төгрөг, орос хивэг 22-25 мянга, Алтан тариа 25-27 мянга, Улаанбаатар хивэг 24-25 мянган төгрөг, тэжээлийн будаа 35-40 мянган төгрөгийн үнэтэй байв. Харин орос овъёос 40 килограммтай нь 45-50 мянга, шингүүртэй овъёос 35-50 мянган төгрөг, монгол овъёос 38-40 мянган төгрөгийн үнэтэй байв. Мөн хорголжин 35 мянга, “Хурд” морины тэжээл 52 мянга, школадан бор 85 мянган төгрөгийн үнэтэй байна.