Шинээр илэрсэн коронавирусийн 39 тохиолдлын талаар ХӨСҮТ-ийн тандалт судалгааны албаны дарга А.Амбасэлмаа “Баянзүрх дүүргийн голомттой холбоотой 38 тохиолдол нь тусгаарлан ажиглах байранд болон гэртээ тусгаарлагдсан хүмүүсийн давтан шинжилгээгээр илэрсэн байна.

Нийт тусгаарлагдсан гурван эмнэлгийн ажилтан, 30 хүн нь гэр бүлийн, тав нь өвчтөн байна. Баянзүрх дүүргийн нэгдсэн эмнэлгийн голомттой хамааралтай 184 тохиолдол  бүртгэгдсэн. Үүнээс өвчтөн 82, сахиур 24, эрүүл мэндийн ажилтан 19, гэр бүлийн хамааралтай 28 хүний шинжилгээнд коронавирус илэрсэн байна. Баянзүрх дүүргийн нэгдсэн эмнэлэгт гарсан голомттой холбоотой хавьтлуудын хоёр дахь шинжилгээ дуусаж байгаа. Зарим хүний гурав дахь шинжилгээ эхэлсэн.

Улаанбаатар хотын өмнөх голомтуудаас батлагдсан тохиолдол бүртгэгдээгүй. ХСҮТ-ийн голомтын эхний батлагдсан гурван тохиолдлын хавьтлуудын 80-90 хувьд шинжилгээ хийж байгаа бөгөөд нэмж илрээгүй байна. ХСҮТ-д гарсан голомттой холбоотой гүнзгийрүүлсэн тандалт судалгаа, өргөжүүлсэн сорьцуудыг цуглуулах ажил үргэлжилж байна” гэлээ.