Эрүүл мэндийн яамнаас коронавирусийн нөхцөл байдлын талаар мэдээлэл хийлээ. Үүний дараагаар сэтгүүлчдийн асуултад хариулсан юм. 

-ХСҮТ-ийн эмч, сувилагчаас коронавирусийн халдвар илэрсэн гэх мэдээлэл байна. Энэ үнэн үү?

-ХСҮТ-ийн 324 ажилтнаас шинжилгээ авахад хоёр хүнээс халдвар илэрсэн. Одоогийн байдлаар бататгах шинжилгээ буюу PCR шинжилгээний хариу гараагүй байна. Сэжигтэй тохиолдол илэрсэн учраас өнгөрсөн шөнөөс эхлэн ХСҮТ-д хариу арга хэмжээ аваад байна. Мөн одоогоор ойрын хавьтал, үлдсэн 300 гаруй ажилтныг шинжилгээнд хамруулах ажил үргэлжилж байна. 

-Баянзүрх дүүргийн "Амгалан" хотхонд халдвар илэрсэн үү?

-"Амгалан" хотхонд халдвар илэрсэн хүн очсон. Тэрбээр халдвартай гэдгээ мэдэлгүй тус хотхоны айлд очсон учраас тандалт судалгааны ажил хийж байна. Одоогийн байдлаар халдвар батлагдаагүй. PCR шинжилгээний хариу гараагүй байна.