ЭМЯ-наас коронавирусийн тархалтын талаарх ээлжит мэдээлэл хийлээ. Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “24 цагийн хугацаанд зургаан хүнээс  коронавирусийн халдвар илэрсэн. Тэдгээрийн тав нь Улаанбаатар хотод буюу БЗД-ийн голомтоос гаралтай давтан шинжилгээр илэрсэн. Үүнээс өвчтөн хоёр, сахиур хоёр, гэр бүлийн хавьтал нэг хүн  байна.  Мөн арванхоёрдугаар сарын 21-ний өдөр Токио-Улаанбаатарын онгоцоор ирсэн нэг хүнээс коронавирус илэрсэн. Манай улсад зөөвөрлөгдөн орж ирсэн тохиолдол 393 болж, Монгол Улсад бүртгэгдсэн нийт тохиолдол 1.069 боллоо. Үүнээс өнөөдрийн байдлаар 584 хүн эдгэрээд байгаа бол 476 хүн эмчлэгдэж байна. Эмчилгээнд байгаа хүмүүсийн биеийн байдлыг үнэлэхэд хөнгөн 414, хүндэвтэр 55, Хүнд дөрөв, маш хүнд гурван хүн байгаа юм” гэлээ.