Хан Хэнтийн тусгай хамгаалалттай газарт харьяалагдах Естийн халуун рашааны орчимд хүн нас барсан тухай дуудлага арванхоёрдугаар сарын 21-ний 13:00 цагийн үед цагдаагийн байгууллагад иржээ. Дуудлагын дагуу Төв аймгийн Цагдаагийн газрын бүрэлдэхүүн Естийн рашааны Бага чулуут гэдэг газарт Зэвсэгт хүчний 303 дугаар ангийн нисдэг тэргээр 16:00 цагийн үед очсон гэнэ. Хэргийн газарт очиход таван хүн гаднаа ил харагдах гэмтэл, шархгүй амиа алдсан байжээ. Учир битүүлгээр амиа алдсан иргэд нь Хан-Уул дүүргийн XI хороонд оршин суудаг Э, Б, О, Э нар болохыг тогтоогоод байна. Урьдчилсан байдлаар талийгаач нар майханд хоноглохдоо ахуйн гааз ашигласны улмаас угаартаж нас барсан гэж үзээд байгаа гэнэ.

Бид энэ хэргийн талаар эргэн мэдээллэх болно.