ЭМЯ-наас коронавирусийн тархалтын талаарх ээлжит мэдээлэл хийлээ.

Энэ үеэр ХӨСҮТ-ийн Тандалт, судалгааны албаны дарга А.Амбасэлмаа “Арванхоёрдугаар сарын 18-ны өдөр ХӨСҮТ, Зооноз, Дархан-Уул, Сэлэнгэ, Дорнодын салбар лабораторид 11.191 хүнд PCR шинжилгээ хийхэд 12 хүний шинжилгээнд коронавирус илэрсэн. Илэрсэн халдварын зургаа нь Улаанбаатарт хотод бүртгэгдсэн буюу БЗД-ийн голомтоос гарсан. Нөгөө зургаа нь арванхоёрдугаар сарын 16-нд Франкфуртийн онгоцоор ирсэн зорчигчдын давтан шинжилгээгээр илэрсэн байна. Хавьтлуудын давтан шинжилгээнээс халдвар илрээгүй.

Ийнхүү дотоодын халдвар 494, нийт батлагдсан тохиолдол 953 боллоо. Үүнээс Сэлэнгэд 216, Улаанбаатарт 169, Дархан-Уулд 45, Орхонд 25, Дорноговьд 32, Говьсүмбэрт дөрөв, Архангайд гурван батлагдсан тохиолдол байна. Өнөөдрийн байдлаар 509 хүн эдгэрсэн байна. 435 хүн ХӨСҮТ-д эмчлэгдэж байна. Үүнээс хөнгөн 404, хүндэвтэр 27, хүнд гурав, маш хүнд нэг хүн байна" гэв.