Өнгөрсөн 24 цагийн хугацаанд эрчим хүчний системийн ачаалал ямар байсан тухай мэдээлэл хийлээ. Энэ талаар Эрчим хүч, Хэмнэлтийн хорооны дарга Ц.Алтангэрэл “Өнгөрсөн хугацаанд эрчим хүчний дээд хэмжээ  нь 1280 мв, хамгийн багадаа  926 мв хүрсэн байна. Энэхүү оргил ачааллыг багасгахын тулд ОХУ-аас 174 мв-ыг авч ачааллыг багасган ажилласан. Эрчим хүчний хэрэглээний  өсөлтийг өнгөрсөн оны мөн үетэй харьцуулахад хоёр дахин их буюу 110 хувиар нэмэгдсэн байна. Мөн ачаалал нь өмнөх өдрөөс 28 мв-аар буурч, импортын ачаалал 78 мв-аар багассан” гэлээ. Орон сууцны хэрэглэгчдийн ачаалал өмнөх өдрүүдээс нэмэгдсэн бол гэр хорооллын ачаалал буурсан байна.