COVID-19 цар тахлын үед манай улсад нэгдсэн мэргэшлийн 1192 резидент эмч суралцаж байна. Тэгвэл Эрүүл мэндийн тухай хуулийн 47 дугаар зүйлд заасны дагуу 2021 оны төсөвт резидент эмч нарыг тогтмол цалинжуулах 18 орчим тэрбум төгрөгийн санхүүжилтийг суулгажээ. Резидент эмч нарыг ТҮЭМ-4 ангиллын нэгдүгээр шатлалаар буюу 703,623 төгрөгөөр цалинжуулах юм байна. 

Ингэснээр резидент эмч нар НДШ-ийг тасралтгүй төлөх боломжтой болж байна. Мөн тогтмол цалинтай болсноор сургалтын болон нийгмийн байдал нь сайжирч, хариуцлага нэмэгдэн үндсэн мэргэшлийн сургалт олон улсын түвшинд хүрэх томоохон алхам болно гэж үзжээ.