Соёл урлагийн салбарын албан хаагчид цалингаа нэмүүлэхээр жагсаж байна. Хагас сарын 366 мянган төгрөгийн цалин авдаг албан хаагчид Монгол Улсын цалингийн дундаж хэмжээнд хүрсэн цалин авдаг болохыг шаардаж байгаа аж. Жагсаалын үеэр МУГЖ Ө.Уянга мэдээлэл хийлээ.

     Тэрбээр “Бид дэлхийд урлагийн ямар чансаа чадвартайгаараа бахархдаг билээ. Гэтэл Соёл урлагийн салбаранхан улсдаа бага цалин авч амьдарч байна.Одоо бол туйлдаж байна, өрөө дарж чадахгүй гадаадад очиж ажиллаж эхэлж байна. Хөгжимчин хүн барилга дээр ажиллах ёстой юм уу. Монголын Соёл урлагийн салбар уналтад орлоо, яамтай болоод дээрдсэнгүй ээ. Соёл урлагийн салбарынхны цалин, хангамж, нийгмийн хангамж муу байна. Хууль хэлэлцүүлээд байгаа хэр нь биднээс яагаад асуулга сонгохгүй байгаа юм бэ. Бидэнд дөрөвдүгээр сарын 15-нд хариу өгнө гэсэн. Гэтэл одоо болтол өгөөгүй, шийдээгүй байна. Аудитын шалгалт оруулна гэсэн оруулаагүй байна. Тиймээс бид өнөөдөр сануулах ажил хаялт зарлаж байна. Бидэнд АНУ-ын элчин сайдын яам байгаа шүү гэж сануулсан учраас чимээ гаргалгүй жагсаж байна. Бид шаардлагаа өгсөн Соёлын яамнаас холбогдох хүн гарч ирж бидэнтэй уулзах байх гэж найдаж байна. Бид гудамжинд ч муухай харагдах эрхгүй явдаг хүмүүс. Гэтэл 300 мянган төгрөгөөр арван хэд  хоног амьдрах хэцүү байна” гэв.