УИХ-ын чуулганы нэгдсэн хуралдаанаар Үндэсний номын баярыг улс орон даяар тэмдэглэдэг уламжлалтай. Энэ удаагийн Үндэсний номын баяр хуульд заасны дагуу тавдугаар сарын 19, 20, 21-нд  орон даяар эхлэх товтой байсан билээ. Гэвч нийслэлд зохиогдох арга хэмжээ хойшилсон. Энэ талаар “Номын соёлт ертөнц” ТББ-ын тэргүүн Б.Сувдаас тодруулахад "Тавдугаар сарын 19, 20, 21-ний өдрүүдэд Бүгд Найрамдах Франц Улсын Ерөнхийлөгч Эммануэл Макрон Монголд айлчлах учир номын баяр нийслэлд долоо хоног хойшилсон" гэв. Номын баярыг манай улс энэ хавар 33 дахь удаагаа зохион байгуулах гэж байна.

        Номын баярыг жил тутам дунджаар 180 мянга гаруй хүн зорин ирдгээс 95 хувь нь худалдан авалт хийдэг. Харин ирсэн хүмүүсийн 83 хувь нь хоёр ба түүнээс дээш тооны ном худалдан авдаг гэсэн статистик байдаг.