• Өнөөдөр 2021-01-21

А.Амбасэлмаа: Улсын хэмжээнд 30 гаруй гэр бүлийн 80 гаруй хувь өвчилсөн

2020-11-30,   91

ЭМЯ-наас коронавирусийн талаарх ээлжит мэдээлэл хийлээ. Үүний дараагаар сэтгүүлчдийн асуултад хариулсан юм.

-Коронавирусийн нууц хугацаа 20 дахь хоног дээр илэрч байсан. Одоо 5-9 дэх хоногтоо илэрч байгаа нь ямар учиртай вэ?

-Халдвартай хүнтэй уулзсанаас хойш эмнэл зүйн шинж илрэх, лабораторийн шинжилгээний хариугаар халдвар илрэнэ. Шинж тэмдэг илрээгүй нууц хугацааг 14 хоног гэж хэлсэн. Зөөвөрлөгдөн орж ирсэн хүнээс 21-48 цагийн дараа халдвар илэрч байсан.  Арван сарын хугацаанд  халдварыг Монголд тархаалгүй барьж чадсан. Халдвар авсан хүмүүсийг харахад 1-14 хоногийн хугацаанд давтан шинжилгээгээр халдвар илэрч байна. Ойрын хавьтлыг судлахад цаад хугацаа 14 хоног байна. Халдвар авах эрсдлийг тооцож ойрын болон дам хавьтлуудыг 14 хоног тусгаарлаж байна.

-Тодорхой хавьталгүй  иргэдээс халдвар илэрсэн тохиолдол бий юү?

-Илрээгүй. Хавьтал авсан хүн бүрийг  тусгаарлаж байна. Халдварын тархалт хяналттай  байгаа. Бид цааш нь хавьтлын хавьтал гээд үргэлжлүүлэн судалж байгаа.

-Өнгөрсөн оны өдий үед томуу,томуу төст өвчлөл ямар байсан бэ?

-Томуу, томуу төст өвчтэй 100 гаруй хүнд судалгаа хийхэд коронавирус илрээгүй. Томуу, томуу төст өвчин байсан ч  тухайн үед хөл хорио тогтоож, иргэд хувийн ариун цэврийг сайтар сахисан учир өвчлөл буурсан.

-Сургуулийн оюутан,  сурагчидаас халдвар илэрсэн үү?

-Хүүхдүүдээс шинжилгээ авсан. Халдвар илрээгүй.

-Манай улс ямар вакцин сонгохоор төлөвлөж байна вэ?

-Дэлхий дахинд 140 гаруй вакциныг судалж байна. Үүнээс 10 вакцин сонгон  судалж байгаа.   Манай улс ямар нэгэн вакциныг сонгоогүй байна.

-Батлагдсан тохиолдлын ихэнх нь гэр бүлийн гишүүд байгаа. Хэчнээн гэр бүлд коронавирусийн халдвар тархсан бэ?

-Дэлхий нийтэд коронавирус тархахад манай улс маск зүүх нь  90 хувь хамгаална гэдгийг ДЭМБ-д мэдэгдсэн. Амьсгалын замаар халдвар тархаж  гэр бүлийн гишүүд өвдөх нь их. Амны хаалтгүй 1.5-аас дотогш ойрхон харьцсан тохиолдолд халдвар илэрч байна. Улсын хэмжээнд 30 гаруй гэр бүлийн 80 гаруй хувь өвчилсөн. Ойрын хавьтал болон  гэр бүлийн гишүүдээс  халдвар илэрч байна. Мөн төрсөн өдрийн баяр, караокед орсон хүмүүсээс илэрсэн. Эдгээр хүн нь амны хаалтгүй байсан гэсэн үг.  Макс зүүх нь вакцин юм  шүү гэдгийг зөвлөж байна.  


А.Амбасэлмаа: Улсын хэмжээнд 30 гаруй гэр бүлийн 80 гаруй хувь өвчилсөн
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, XI хороолол, 14193-Их тойруу 43, "N tower" V давхар 501-2 тоот
7713-1414