Саяхан Өвөр Монголын Өөртөө Засах Орны Зам тээврийн танхим "Өвөр Монголын Өөртөө Засах Орны төмөр замын хөгжлийн 15 дахь таван жилийн төлөвлөгөө"-г гаргажээ. Уг төлөвлөгөөнд 2030 он гэхэд өндөр хурдны төмөр замын урт 1200 гаруй километрт хүрч, Хөх хот-Бугат-Ордос-Улаацавын "Нэг цагийн" тээврийн тойргийг үндсэндээ бүрдүүлж, бүх аймаг, хотууд өндөр хурдны төмөр замаар холбогдоно гэж тодорхой заасан байна.

    Тухайлбал Хөх хот-Бугат-Ордос-Улаацавын "Нэг цагийн" тээврийн тойргийг байгуулж, 350 км/цаг хурдтай өндөр хурдны төмөр замын төвүүдийг төлөвлөх, бэхжүүлэх ажлыг дэмжих; Хятад-Монгол-Оросын эдийн засгийн коридорыг эрчимжүүлж, хилийн боомтууд дахь төмөр замын тээврийн маршрутыг оновчтой болгож, хил дамнасан ачаа тээврийн хуваарилалт, гаалийн бүрдүүлэлтийн чадавхийг сайжруулна.

    Түүнчлэн хил дагуу өндөр хурдны төмөр зам болон ложистикийн сувгуудыг нээх, Алшаагаас Хөх хот болон Бээжин хүртэлх зорчигч тээврийн сувгуудыг төгөлдөржүүлнэ. Мөн одоо байгаа шугамуудыг өндөр хурдны төмөр зам болгон шинэчлэх замаар Тунляо, Улаанхад, Шилийн голоос Жининээр дамжин Хөх хот хүртлэх "ногоон" төмөр замын холболтыг бий болгоно. Өвөр Монголын зүүн бие болон Хятадын Зүүн хойд нутгийн хоорондох холболтыг бэхжүүлэх, өөртөө засах орны зүүн баруун хэсгийг холбосон ложистикийн гол шугам болон салбар шугамын холболтыг сайжруулна.

    Зорчигч болон ачаа тээврийн үйлчилгээний чанарыг сайжруулж, Хөх хот, Бугат, Ордос, Улаанцав хооронд өндөр хурдны төмөр замын үйлчилгээний давтамжийг нэмэгдүүлж, захиалгат "Хятад-Европын төмөр замын экспресс" үйлчилгээг хөгжүүлж, хил дамнасан тээврийн үр ашгийг дээшлүүлнэ. Олон төрлийн тээврийн хэрэгслийг нэгтгэхийг дэмжиж, жуулчны галт тэрэг ажиллуулж, томоохон аж үйлдвэр, уул уурхайн бүс нутаг, ложистикийн паркуудад зориулсан төмөр замын шугамын нэвтрэх хурдыг нэмэгдүүлэх болно.

    Үүний зэрэгцээ эрчим хүч, хүнс зэрэг стратегийн материалын хангамжийг хангаж, "Хойд нутгийн нүүрсийг өмнө зүг рүү", "Баруун нутгийн нүүрсийг зүүн зүг рүү", "Хойд нутгийн үр тариаг өмнө зүг рүү" тээвэрлэлтийн сувгуудын дутагдлыг арилгаж, төмөр замын сүлжээний эрсдэлд тэсвэртэй байдлыг нэмэгдүүлэхэд анхаарлаа хандуулна.

Эх сурвалж: “Анд” студи.