ААН-үүдийн цахилгааны тарифыг өнөөдрөөс эхлэн нэмлээ.

   Тодруулбал, Засгийн газраас Эрчим хүчний зохицуулах хороонд цахилгааны тариф нэмэх саналыг гаргасан.Үүнд 5,000 КВт хүртэл цахилгааны хэрэглээтэй ААН-ийн цахилгааны хэрэглээнд 14 хувь, үүнээс дээш хэрэглээтэй ААН цахилгааны хэрэглээнд 28 хувиар төлбөрийг нэмэгдүүлж тооцохоор болжээ. Мөн уул уурхайн компаниуд, банк, үүрэн телефон, операторууд, криптовалют олборлогч байгууллагууд 200 мянган КВт хүртэл 28 хувь, үүнээс дээш хэрэглээнд нь 38 хувийн нэмэгдэл тооцно.

Харин айл өрхийн цахилгаан, дулааны үнийг нэмэхгүй.

    Эрчим хүчний зохицуулах хороо хүлээн авч, зөвлөлөөрөө хэлэлцэн, холбогдох тогтоолыг гарган Хууль зүй, дотоод хэргийн яам руу илгээсэн. Уг тогтоолыг ХЗДХЯ хууль, эрх зүйн хүрээнд хянаад төрийн мэдээллийн нэгдсэн санд нийтэлснээр хүчин төгөлдөр хэрэгжиж эхэлхээр болжээ. Түүнчлэн ААН-үүдийн дулааны үнийг ирэх оны нэгдүгээр сарын 1-нээс нэмэх төлөвлөгөөтэй байгаа аж.