Ачааны автомашин мөргөлдсөний улмаас хоёр жолооч нас баржээ.

     Тодруулбал, Өмнөговь аймгийн Цогтцэций сумын Сийрст багийн Зайрмагт гэх  газар хоёр автомашин шатаж байна гэсэн дуудлага тус аймгийн Онцгой байдлын газарт өчигдөр иржээ. Дуудлагын дагуу  аймгийн Онцгой байдлын газрын Гал түймэр унтраах, аврах 44 ангийн алба хаагчид тухайн газар очиход Цогтцэций сумаас Цагаан хад гэх газрын чиглэлд зорчиж явсан иргэн 43 настай Ж-гийн Шаанкси загварын ачааны автомашин, иргэн 48 настай Ө-гийн Шаанкси загварын ачааны автомашинтай мөргөлдсөний улмаас хоёр автомашины бүхээг, урд дугуй тус тус шатаж байжээ. Улмаар автомашинуудын галыг унтраан, Цогтцэций сумын Цагдаагийн хэлтсийн замын цагдаагийн ахлах зохицуулагчид шилжүүлэн өгсөн байна. Тус гал түймэрт хоёр автомашины жолооё өртөж, нас барсан байна.