Чингэлтэй дүүргийн харьяат 34 настай иргэн Б-гийн суудлын автомашин жалга руу орж, шороонд суусныг татан гаргажээ. Тодруулбал, Төв аймгийн Сэргэлэн сумын Авдар багийн Чулуут гэх газар Богд хаан төмөр замын төслийн 7781 дүгээр ангийн ажлын кэмп явах замд суудлын автомашин жалга руу орж цасанд суусан гэсэн дуудлага өчигдөр Багахангай дүүргийн Онцгой байдлын газарт иржээ. Дуудлагын дагуу тус дүүргийн Онцгой байдлын хэлтсийн Гал түймэр унтраах, аврах 80 дугаар ангийн алба хаагчид тухайн газар очиход Чингэлтэй дүүргийн харьяат иргэн 34 настай иргэн Б-гийн Хонда Срв загварын суудлын автомашин дотроо гурван зорчигчтой замын хажуугийн жалга руу орж, цасанд суусан байжээ. Улмаар албан хаагчид тус машиныг татан гаргажээ.