• Өнөөдөр 2022-11-27

Энэ оны хоёрдугаар ээлжийн цэрэг татлага эхэллээ

2022-09-30,   186

        Төв аймгийн ЗДТГ-ын Цэргийн штабаас 2022 оны II ээлжийн цэрэг татлагыг зохион байгуулж эхэллээ. Энэ сарын 24-ний өдөр Зуунмод сумын 18-25 насны залуусыг эрүүл мэндийн үзлэгт хамруулж, үргэлжлүүлэн бусад суманд ажиллаж байна.

        Энэ жилийн тухайд оюутныг биеэр ирж, цэрэг татлагын комисст бүртгүүлэн эрүүл мэндийн үзлэгт хамрагдах шаардлагыг тавьж байна. Мөн зарлан дуудах хуудас аваад тогтоосон хугацаанд ирээгүй болон 2016 онд батлагдсан Цэргийн албаны тухай хуулиар оюутныг цэргийн албанаас түр чөлөөлөх заалтыг хассан учраас зарлан дуудах мэдэгдлийн дагуу биеэр ирж бүртгүүлэх юм. Хэрэв зарлан аваад ирээгүй тохиолдолд Зөрчлийн тухай хуулийн 17.1 дэх заалтаар захиргааны хариуцлага тооцно” гэж хуульчилсан билээ. Цэрэг татлага аймгийн хэмжээнд 18 сумыг хамруулан 10 дугаар сарын 19-ний өдөр хүртэл үргэлжлэх бөгөөд энэ удаагийн цэрэг татлагаар Төв аймгийн залуус Зэвсэгт хүчин, Хилийн цэрэг, Дотоодын цэрэгт алба хаана гэж Төв аймгийн ЗДТГ-ын Цэргийн штабаас мэдээллээ.

 

Энэ оны хоёрдугаар ээлжийн цэрэг татлага эхэллээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188