• Өнөөдөр 2022-09-29

“Цэргийн ралли”-ийн "Буудлагын тэмцээн"-ээс алт, мөнгөн медаль хүртлээ

         ОХУ-ын Батлан хамгаалах яамнаас зохион байгуулж буй “Цэргийн ралли-2022” олон улсын тэмцээний гуравдугаар шат буюу "Буудлагын тэмцээн" ОХУ-ын Бүгд найрамдах Тува улсад энэ сарын 18-нд зохион байгуулагдлаа. Тус тэмцээнд Монгол, ОХУ, Беларусь, Узбекистан улсын Зэвсэгт хүчний 16 баг, нийт 32 тамирчин 5.45 мм-ийн АК-12 буугаар 100 метрийн тогтоол буудлагын дасгалыг гүйцэтгэлээ.

         Багийн дүнгээр жолооч Зэвсэгт хүчний 089 дүгээр ангийн сургагч ахлагч Х.Ширмэнхоовон, чиглүүлэгч Зэвсэгт хүчний 011 дүгээр ангийн ахмад Б.Ариунбаатар нар 188 оноогоор тэргүүн байр, жолооч Зэвсэгт хүчний 089 дүгээр ангийн ахлах ахлагч Б.Баатархүү, чиглүүлэгч Зэвсэгт хүчний 011 дүгээр ангийн ахлах дэслэгч М.Шийрэвноров нар 184 оноогоор дэд байрт шалгарч алт, мөнгөн медаль хүртжээ. Мөн шилдэг чиглүүлэгч-буудагчийн төрөлд Зэвсэгт хүчний 011 дүгээр ангийн ахлах дэслэгч Д.Бямбабаяр 92 оноогоор гуравдугаар байр эзэлсэн байна.

 

“Цэргийн ралли”-ийн "Буудлагын тэмцээн"-ээс алт, мөнгөн медаль хүртлээ
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188