Бусдын толгой дээр халуун кофе асгасан хэрэгт холбогдсон Б.Ариунзаяаг МУИС-аас хөөх санал гаргаж, хилийн хориг тавьсан байдаг. Харин түүнд тавьсан хилийн хоригийг цуцалсан тухай мэдээлэл олон нийтийн сүлжээгээр цацагдаж буй. Энэ талаар түүний аав Г.Батбаяраас тодрууллаа. Тэрбээр “Охины минь нэр, зургийг ашигласан 35 хуурамч хаяг байна. Тус хуурамч хаягуудаас санаатайгаар “Золбин сургуульд чинь тоож сурч байсанд баярлаарай. Удахгүй энэ золбин улсаас чинь явна. Намайг буулгаж чадахгүй шүү” гэх мэт хуурамч мэдээлэл түгээж байсныг холбогдох хууль хяналтын байгууллагууд тогтоосон. Тийм учраас охинд минь тавьсан хилийн хоригийг цуцалсан нь үнэн” гэлээ.